Bas áskerı prokýror Aqtaýda áskerlerdiń Batys tobyndaǵy quqyqbuzýshylyqtyń aldyn alý boıynsha keńes ótkizdi
ASTANA. 9 maýsym. QazAqparat - Aqtaýda Qorǵanys mınıstrliginiń 25744 áskerı bóliminde Bas áskerı prokýror Erǵalı Merzadınov májilis ótkizdi, onda áskerlerdiń Batys tobyndaǵy quqyqbuzýshylyqtyń aldyn alý boıynsha Baǵdarlamany iske asyrý máseleleri qaraldy,
dep habarlady Bas áskerı prokýratýranyń baspasóz qyzmeti.
Májilis jumysyna Qorǵanys mınıstrliginiń «Batys» aımaqtyq kolbasshylyǵy áskerleriniń qolbasshysy general-maıor A.Halyqov, Shekara qyzmetiniń jaǵalaý kúzeti jáne «Batys» aımaqtyq basqarmalarynyń qolbasshylary general-maıor Sh.Ýtıapov jáne polkovnık M.Bekpaev, Іshki áskerlerdiń Batys quramasynyń komandıri general-maıor B.Abjanov, Aqtaý, Atyraý, Aqtóbe jáne Oral garnızondary áskerı quqyq qorǵaý organdarynyń, sondaı-aq áskerı bólimder men mekemelerdiń basshylary qatysty.
Májiliste Bas áskerı prokýror áskerı prokýrorlardyń, jeke komandırler men quqyq qorǵaý qyzmetteriniń profılaktıkalyq jumys týraly esepterin tyńdady jáne áskerı nysandardyń lańkestikten qorǵanýǵa qatysty problemalyq máselelerin qarady.
Májilis qorytyndysy boıynsha áskerı ortadaǵy qoǵamǵa qarsy kórinisterge profılaktıkalyq áser etýdiń qosymsha ádisteri ázirlenip, memlekettik nasıhat, dinı ınstıtýttarmen qarym-qatynas, memlekettik shekarany qorǵaý jáne áskerı qyzmetshilerdiń quqyqtaryn áleýmettik salada qorǵaý máseleleri boıynsha birqatar tapsyrmalar berildi.
