«Barystyń» jańa muz aıdyny Esildiń sol jaǵalaýynda salynady
ASTANA. 30 tamyz. QazAqparat - Astanalyq «Barys» hokkeı klýbynyń jańa muz aıdyny Esildiń sol jaǵalaýynda salynady. Bul týraly Kontınentaldy hokkeı lıgasynyń baspasóz qyzmetine suhbat bergen «Barystyń» bas bapkeri Vladımır Krıkýnov málim etti.
«Búginde qurylysqa qajetti jer telimi bólindi. Barlyq másele osy jerge tirelgen edi. Basynda jańa muz aıdynyn jańa fýtbol stadıony, velotrek pen konkı tebý alańy janynda salamyz dep oılaǵan edik. Biraq týra sol jerde bolmaı qaldy. Jańa muz aıdyny osy qurylys nysandarynan alys emes jerde ornalasady. Sport kesheni jaqsy bolady, Qazaqstan basqasha salmaıdy», - dep atap kórsetti V.Krıkýnov.
Aıta keteıik, ótken jyly «Barystyń» jattyǵý alańyn teksergen Kontınentaldy hokkeı lıgasynyń ókilderi ony jalpy lıga boıynsha eń nashar muz aıdyny dep tapqan bolatyn.
