«Barystyń» Tatarstanda ótetin týrnırdegi oıyn kestesi belgili boldy
ASTANA. QazAqparat - Elordalyq «Barys» komandasynyń Reseıdiń Qazan qalasynda ótetin TANECO Kýbogyndaǵy oıyn kestesi belgili boldy, dep habarlaıdy QazAqparat tilshisi.
Tatarstan astanasynda 10-14 tamyz aralyǵynda bolatyn týrnırde qazaqstandyq klýbtan ózge jergilikti «Ak Bars», «Lokomotıv» (ıAroslavl), «Traktor» (Chelıabınsk) komandalary oınaıdy.
Árbir komanda toptyq kezeńde úsh jáne týrnırdegi qorytyndy oryndardy anyqtaý úshin bir qosymsha oıyn ótkizedi.
«Barys» hokkeıshileri aldymen 10 tamyzda 16:00-de «Lokomotıvpen» sheberlik baıqassa, 11 tamyzdaǵy kezekti kezdesýin 16:00-de «Traktorǵa» qarsy ótkizedi.
Al, 13 tamyzda 20:00-de «Ak Bars» komandasymen oınaıdy.
14 tamyzda 16:00-de 3-oryn úshin kezdesý belgilense, 22:00-de fınaldyq oıyn josparlanǵan.
Eske salsaq, bıyl kanadalyq qaqpashy Edvard Paskýale «Barys» quramyna qaıta oraldy.
