«Barystyń» sapyna jańa hokkeıshi qosyldy
ASTANA. 5 qarasha. QazAqparat - Astana qalasynyń «Barys» klýby Ulttyq hokkeı lıgasynyń oıynshysy, qorǵaýshy Kem Barkermen aradaǵy kelisimshartqa qol qoıdy. Endi 27 jasar hokkeıshi astanalyq klýbtyń sapynda oınaıtyn bolady.
«Barys» hokkeı klýbynyń resmı saıty habarlaǵandaı, K.Barker «Chıkago Blekhoýks», «Mınnesota Vaıld», «Edmonton Oılers» jáne «Vankýver Kenaks» syndy komandalarda óner kórsetti. Ulttyq hokkeı lıgasynda ol jalpy sany 310 match ótkizip, 96 upaı jınaǵan. Eki aptadan keıin K.Barker «Barystyń» atynan shyǵatyn bolady.
Aıta keteıik, Astana qalasynyń hokkeı klýby sońǵy oıynda «Salavat ıÝlaevty» (Bashqurtstan, Ýfa) jeńip, eki aptalyq demalysqa shyqty. «Barystyń» kelesi oıyny 13 qarasha kúni syrt alańda ótedi. Latvııanyń Rıga qalasynda jergilikti «Dınamo» hokkeı klýbymen kezdesedi. Sol kezde K.Barker muz aıdynyna shyǵýy ábden múmkin.
