«Barystyń» oıynshysy QHL úzdik qorǵaýshysy atandy
NUR-SULTAN. QazAqparat - «Barys» oıynshysy Darren Dıts Qurlyqtyq hokkeı lıgasynyń 2018/2019 jylǵy maýsymdaǵy úzdik qorǵaýshysy atandy, dep habarlaıdy QazAqparat «SPORTINFORM» SAA-ǵa silteme jasap.
Syıly marapat hokkeıshige QHL maýsymynyń Máskeýde ótken jabylý rásiminde tabys etildi.
Aıaqtalǵan maýsymda Dıts turaqty chempıonat jáne pleı-off kezeńderinde ótkizgen 73 oıynynda 57 (18+39) upaı jınaǵan.
«Bul men úshin úlken jetistik. Osy marapat úshin Lıgaǵa rızashylyq bildiremin. Komandalastaryma da kóp alǵys, olar bolmaǵanda, jankúıerler qoldamaǵanda osy tuǵyrǵa kóterile almas edim. Bul maýsymdy bizdiń komanda tamasha ótkizdi. Endi jıyndardaǵy jumystyń bastalýyn asyǵa kútip júrmiz», - deıdi Dıts.
«Barys» pen Qazaqstan quramasynyń qorǵaýshysy QHL-dyń osy maýsymdaǵy tańdaýly quramasyna da kirdi.
2018/19 maýsymynyń tańdaýly quramasy:
Qaqpashy: ıÝha Metsola («Salavat ıÝlaev»);
Qorǵaýshylar: Nıkıta Nesterov (TsSKA), Darren Dıts («Barys»);
Shabýylshylar: Teemý Hartıkaınen («Salavat ıÝlaev»), Mıhaıl Grıgorenko (TsSKA), Ilıa Mıheev («Avangard»).
