«Barystyń» namysy joq - Myrzataı Joldasbekov
ASTANA. QazAqparat - Qoǵam qaıratkeri Myrzataı Joldasbekov "Barys" xokkeı klýbynyń oıyndaryn qalt jibermeı, kórip otyrady. Ol jankúıer retinde komandaǵa kóńili tolmaıtyndyǵyn aıtty, dep habarlaıdy QazAqparat tilshisi.
"Qazaqstanda xokkeıdi damytý sharalary qolǵa alyndy. "Barys-Arena" sııaqty úlken sport saraıy da salyndy. Alaıda jylda bir oıyn: pleı-offqa ólip-talyp jettik pe, jetpedik pe dep otyrady. Jetedi sonan keıin júıkeleıdi. Osyny oılamaıtyndardy qýý qajet. Sosyn basqa komandalardy qarasań, óz ánurandaryn aıtyp turady. Al bizdiń sportshylar bastary tómen salbyratyp, ánurandy aıtýǵa namystanyp turatyn sııaqty kórinis beredi. Ondaılarǵa aqshany nege tóleımiz?", - dedi M. Joldasbekov búgin qoǵamdyq keńestiń otyrysynda.
Aıta keteıik, búgin QR Mádenıet jáne sport mınıstri Arystanbek Muxamedıuly qoǵamdyq keńes aldyndaǵy esep berdi. Sol jerde keńes tóraǵasy Myrzataı Joldasbekov "Astana" velokomandasynyń menedjmentin synǵa aldy . Al mınıstr Muxamedıuly árbir oblys ózine tán sport túrin damytatynyn jetkizdi.
