«Barystyń» Qurlyqtyq hokkeı lıgasyndaǵy alǵashqy oıynyn qaı telearnadan kórýge bolady
NUR-SULTAN. QazAqparat - Elordalyq «Barys» komandasynyń Qurlyqtyq hokkeı lıgasyndaǵy alǵashqy oıyny qaı telearnadan kórsetiletini belgili boldy, dep habarlaıdy QazAqparat tilshisi.
Elordalyq komanda Qurlyqtyq hokkeı lıgasyndaǵy alǵashqy oıynyn erteń, 3 qyrkúıekte Belarýste «Dınamo» (Mınsk) klýbyna qarsy ótkizedi.
Atalǵan oıyn elorda ýaqytymen 19:20-de bastalyp, «Qazsport» telearnasynan tikeleı efırde kórsetiledi.
«Barys» budan keıin qatarynan úsh oıyndy syrt aıdynda ótkizedi. Aldymen 5 qyrkúıekte SKA (Sankt-Peterbýrg) komandasymen kezdesse, kelesi kezekte 7 qyrkúıekte «Vıtıaz» (Podolsk), 9 qyrkúıekte «Sochı» komandalarymen sheberlik baıqasady.
Al elordada 13 qyrkúıekte «Traktor» (Chelıabınsk) komandasyn qabyldaıdy.
Eske salsaq, budan buryn «Barys» shaıbaly hokkeıden Qazaqstan Prezıdenti kýbogynyń ıegeri atandy.
