«Barystyń» quramynda birqatar ózgerister bolady - bas bapker

ASTANA. 29 qazan. QazAqparat - Keshe Astana qalasynyń «Barys» hokkeı klýby óz alańynda «Traktordan» 1:5 esebimen utyldy. Osy oıynnan keıin bas bapker Arı-Pekka Selın komanda quramyna ózgerister engizý týraly sheshim qabyldady. «Shyny kerek, qarsylastar jaqsy tártip pen tasqamal qorǵanysty kórsete bildi. Biz bolsaq, oılanbaı oınadyq. Shabýyldarymyz baıaý shyǵyp, sonyń saldarynan shaıba da soǵylǵan joq. Bálkim, komanda psıhologııalyq jaǵynan sharshap qalǵan bolar. Degenmen, bizde jaqsy oınaımyn degen birneshe hokkeıshi bolǵan. Al shyn máninde olaı bolmaı shyqty. Sondyqtan kelesi matchqa deıin biz komanda quramyna birqatar ózgerister engizý máselesin oılastyramyz», - dedi «Barystyń» bas bapkeri Arı-Pekka Selın. Aıta keteıik, «Barystyń» kelesi oıyny erteń, 30 qazan kúni ótedi. Komanda óz alańynda «Neftehımık» (Nıjnekamsk) komandasyn qabyldaıdy. Búginde atalǵan hokkeı klýbyn «Barystyń» eks-bapkeri Vladımır Krıkýnov jattyqtyrady.