«Barystyń» keıinge qalǵan eki oıyny qashan ótedi
NUR-SULTAN. QazAqparat - Qurlyqtyq hokkeı lıgasy klýbtarmen birigip, chempıonat matchtary ótetin jańa ýaqytty belgiledi. Bul týraly QazAqparat «Barys» hokkeı klýbynyń resmı saıtyna silteme jasap habarlaıdy.
Lıga QHL Sport erejesiniń 55-babyna sáıkes jáne klýbtarmen kelise otyryp, turaqty chempıonat matchtaryn ótkizýdiń jańa merzimin belgileý jóninde sheshim qabyldady:
№74 «Barys» - «Dınamo» Rıga 2020 jyldyń 3 qarashasynda ótedi;
№90 «Metallýrg» - «Barys» arasyndaǵy oıyn 2021 jyldyń 3 aqpanynda ótedi.
Eske sala keteıik, buǵan deıin «Barys» hokkeı klýbynyń birneshe oıynshysy koronavırýs juqtyryp alǵan bolatyn.
Osyǵan baılanysty hokkeı klýby aldaǵy kezdesýlerin keıinge shegerýge májbúr bolyp, 6 matchtyń ýaqytyn aýystyrǵan.
