«Barystyń» qarjylyq kepildigi QHL reglamentine sáıkes keledi
ASTANA. QazAqparat - Qazirgi sátte 29 klýbtyń 16-synyń ǵana qujattary Lıga reglamentine sáıkes keledi, olardyń arasynda QHL-daǵy Qazaqstannyń jalǵyz ókili - «Barys» hokkeı klýby da bar, dep habarlady «QazAqparat» HAA tilshisi.
«2016/17 maýsymynda QHL chempıonatynda óner kórsetken barlyq klýbtar 2017/18 maýsymyna qatysty qarjylyq aqparatty usyndy. 16 klýbtyń kelesi maýsymǵa arnalǵan qarjylyq kepildik týraly qujattary QHL reglamentiniń talaptaryna sáıkes keledi. Qalǵan 13 klýbtan Lıga naqtylaýdy jáne anyqtaýdy qajet etetin qujattar suratty. Sonyń negizinde mamyr aıynyń sońynda QHL dırektorlar keńesiniń qaraýyna olardy 2017/18 chempıonatyna qatystyrý týraly másele qaralady», - dep habarlandy QHL-dyń resmı saıtynda.
Reglamentke sáıkes kelmeıtin klýbtar atalmady. Astanalyq «Barys» 2017/18 turaqty chempıonatyna qatysýǵa resmı túrde ruqsat alǵan 16 komandanyń qataryna endi.
