«Barystyń» kanadalyq qorǵaýshysy Qazaqstan azamattyǵyn aldy
ASTANA. QazAqparat - «Barystyń» kanadalyq qorǵaýshysy Darren Dıts Qazaqstan azamattyǵyn aldy, endi ol Astanada ótetin Álem chempıonatyna qatysa alady, dep habarlaıdy QazAqparat «SPORTINFORM» SAA-ǵa silteme jasap.
«Dıts Qazaqstan azamattyǵyn aldy. «Barystyń» bes hokkeıshisin Astanadaǵy Álem chempıonatynda oınatý josparlanyp otyr. «Barystyń» taǵy basqa legıonerlerine azamattyq berý jaǵy áli talqylanǵan joq», - dedi Qazaqstan hokkeı federatsııasynyń jaýapty hatshysy Gleb Qarataev.
Eske sala keteıik, Darren Dıts 59 oıynda 52 upaı (15+37) jınap, QHL-nyń úzdik surmergen-qorǵaýshysy bolyp tur. Buǵan deıin shved Henrık Karlsson, amerıkalyq Brendon Bochenskı, kanadalyqtar Dastın Boıd pen Kevın Dallmen Qazaqstan azamaty atanǵan bolatyn.
Birinshi dıvızıon komandalary arasyndaǵy Álem chempıonaty Astanada 25 sáýirden 5 mamyrǵa deıingi aralyqta ótedi. Qazaqstan quramasynan tys, elıtaǵa qatysý úshin Belarýs, Vengrııa, Lıtva, Slovenııa jáne Ońtústik Koreıa komandalary da baq synap kóredi.
