«Barystyń» hokkeıshileri «Slovandy» aıqyn basymdyqpen jeńdi
ASTANA. 27 qarasha. QazAqparat - Keshe «Barys» hokkeı klýby óz alańynda «Slovan» (Slovakııa, Bratıslava) komandasyn oısyrata utty.
Aıta ketken jón, buǵan deıin Bratıslava qalasynda ótken oıynda «Barystyń» hokkeıshileri «Slovandy» 6:2 esebimen tize búktirgen bolatyn. Osy joly da Astana qalasynyń hokkeı klýby qarsylastyń qaqpasyna alty shaıba soǵyp, aıqyn basymdyqpen jeńiske jetti. Oıynnyń basynda «Slovan» esepti birinshi bolyp ashty. Alaıda keıin sol bir shaıbadan asa almady. «Barys» bolsa, úsh kezeńniń árbireýinde eki shaıbadan soǵyp, esep aıyrmasyn 6:1-ge jetkize bildi. Bul matchta Konstantın Rýdenko, Dmıtrıı Ýpper, Maık Landın jáne Dastın Boıd nátıjeli soqqylarmen kózge tússe, Naıdjel Doýs dýbldyń, ıaǵnı eki birdeı shaıbanyń avtory atandy. Ony ol úshinshi kezeńde qatarynan soqty.
Bul oıynnan keıin «Barys» taǵy úsh upaıǵa qol jetkizip, barlyǵy 62 upaımen jalpytýrnırlik kestede 4-shi oryndy saqtap keledi.
