«Barystyń» hokkeıshileri QHL juldyzdarynyń kezdesýinde kózge tústi
ASTANA. 12 qańtar. QazAqparat - Bratıslavada «QHL-dyń barlyq juldyzdarynyń» matchynda «Batys» komandasy 18:16 esebimen «Shyǵys» quramasynan basym tústi.
«Shyǵys» komandasy sapynda elordalyq «Barystyń» eki birdeı oıynshysy óner kórsetti, dep habarlaıdy Vesti.kz . Olar - shabýylshylar Brendon Bochenskı men Talǵat Jaılaýov. Ekeýi de mergendikterimen kózge tústi. Jaılaýov oıynnyń basynda shaıba engizgen bolsa, Bochenskı ekinshi jáne úshinshi kezeńderde qarsylastar qaqpasyn dál kózdedi.
Bul komandalardyń kapıtandary Ilıa Kovalchýk («Batys») jáne Sergeı Mozıakın («Shyǵys») boldy.
