«Barystyń» forvardy N.Doýs eki rekordty jańartty
ASTANA. 23 aqpan. QazAqparat - Chelıabi qalasynda ótken keshegi oıynnan keıin «Barystyń» forvardy Naıdjel Doýs Qurlyqtyq hokkeı lıgasynyń eń úzdik mergeni atandy.
Lıga saıtynyń habarlaýynsha, Qurlyqtyq hokkeı lıgasy qurylǵaly beri áli birde-bir hokkeıshi pleı-off barysynda bir kezdesýdiń ishinde tórt birdeı shaıba sala almaǵan. Ondaı «pokerdi» N.Doýs keshe «Traktor» komandasymen bolǵan oıynda iske asyrdy. Oǵan qosa, «Barystyń» mergeni ol shaıbalardyń barlyǵyn 25 mınýttyń ishinde saldy. Osylaısha, ol Qurlyqtyq hokkeı lıgasynyń eki birdeı rekordyn jańartty.
