«Barystyń» burynǵy bapkerin peterborlyq SKA-dan bosatty
ASTANA. QazAqparat - Qurlyqtyq hokkeı lıgasynyń (QHL) sankt-peterborlyq SKA klýbynyń bas bapkeri qyzmetinen ketti. Bul týraly TASSklýbtyń baspasóz qyzmetine silteme jasap habarlady.
Komanda bapkeriniń mindetin atqarýshy bolyp Sergeı Zýbov taǵaıyndaldy.
"SKA hokkeı klýby men Andreı Nazarov eki jaqty kelisimmen áriptestigin toqtatady, - delingen klýbtyń málimdemesinde. - Andreı Vıktorovıchpen birge komandadan Igor Kalıanın ketedi. SKA HK mamandarǵa qyzmetteri úshin alǵys aıtyp, mansaptarynda sáttilik tileıdi". Juma kúni SKA óz alańynda «Aq Barstan» jeńilip (1:3), maýsymdaǵy 12-shi jeńilisine tap boldy. Gagarın Kýboginiń ıegeri Batys konferentsııasynyń týrnırlik kestesinde toǵyzynshy orynda.
Nazarov SKA-ny maýsym aıynan basqara bastady. Ol otbasylyq jaǵdaıǵa baılanysty qyzmetten ketken komandanyń bas bapkeri Vıacheslav Bykovtyń ornyn basty.
SKA prezıdenti Gennadıı Tımchenkonyń aıtýynsha, sporttyq nátıjelerge baılanysty SKA HK basshysy quramanyń bas bapkeri Andreı Nazarovpen áriptestikti ári qaraı jalǵastyra almaıdy. Eske sala keteıik, A. Nazarov SKA bas bapkeri bolyp aǵymdaǵy jyldyń jazynda taǵaıyndalǵan. Osyǵan deıin ol «Barys» pen Qazaqstan quramasynyń bas bapkeri bolǵan.
Foto: ıÝrıı Smıtıýk
