«Barystyń» búgingi oıynyn qaıdan kórýge bolady
NUR-SULTAN. QazAqparat - «Barys» qurlyqtyq hokkeı lıgasynda búgin, 19 qarashada, elordada Reseıdiń «Avangard» (Omby) komandasyn qabyldaıdy, dep habarlaıdy QazAqparat tilshisi.
Oıyn elorda ýaqytymen saǵat 19.30-da bastalyp, Qazsport telearnasynan tikeleı efırde kórsetiledi.
Eki komanda buǵan deıin 55 márte kezdesti. Onyń 19-y «Barystyń» basymdyǵymen aıaqtalsa, qalǵanynda reseılik klýb jeńiske jetti. Aıta keterligi, eki komandanyń sońǵy tórt kezdesýiniń úsheýinde elordalyq hokkeıshilerdiń mereıi ústem boldy.
«Barys» 23 oıynnan keıin 25 upaı jınap, týrnır kestesinde 16 orynda keledi. Al 26 oıynnan keıin 36 upaı enshilegen «Avangard» 5 orynda tur.
Budan buryn«Barys» býllıtte «Metallýrgke» jol berdi.
