«Barystyń» búgingi qarsylasy - «Neftehımık»
ASTANA. 5 jeltoqsan. QazAqparat - Búgin Astana qalasynyń «Barys» hokkeı klýby syrt alańda «Neftehımık» (Reseı, Nıjnekamsk) komandasymen kezdesedi.
Jalpy, Qurlyqtyq hokkeı lıgasy aıasynda eki komanda 13 ret kezdesip, sonyń jeteýinde «Neftehımıktiń» joly bolsa, altaýynda «Barys» basym tústi. Al bıylǵy chempıonat aıasynda «Qazaqstan» sport kesheninde ótken sońǵy oıynda «Barys» 5:1 esebimen jeńiske jetken bolatyn. Sol matchtan keıin «Neftehımıktiń» bas bapkeri Vladımır Krıkýnovtyń otstavkaǵa ketkeni bar. Ótken jylǵy chempıonatta ol «Barysty» jattyqtyryp, Qazaqstannyń hokkeı quramasyn top-dıvızıonǵa shyǵardy. Alaıda biz Sochı Olımpıadasyna ótpeı qaldyq.
Qurlyqtyq hokkeı lıgasynyń jalpytýrnırlik kestesinde «Barys» (67 upaı) - tórtinshi orynda. Al «Neftehımık» 38 upaımen 21-shi orynda keledi.
Aıta keteıik, búgingi oıyn Astana ýaqyty boıynsha keshki saǵat 21:00-de bastalady. Ony «KAZsport» telearnasy tikeleı efır arqyly kórsetpek.
