«Barys jyly baryn berdi» - respýblıkalyq basylymdarǵa sholý
***
«Egemen Qazaqstan» gazetiniń búgingi sanynda «Bastamashy toptyń usynysyn tirkedi» degen taqyryppen maqala jarııalandy. Maqalada keshe Ortalyq saılaý komıssııasy QR Prezıdentiniń ókilettigin 2020 jyldyń 6 jeltoqsanyna deıin uzartý týraly referendýmnyń bastamashy tobyn, sondaı-aq onyń respýblıkalyq referendýmǵa usynylyp otyrǵan máselesin tirkeý týraly qaýly qabyldaǵanyn jazady. Respýblıkalyq referendým ótkizý týraly bastamashy topty tirkeý úshin qajetti barlyq qujattar Ortalyq saılaý komıssııasyna 2010 jylǵy 23 jeltoqsanda usynylǵan bolatyn. «Usynylǵan qujattarǵa sáıkes 320 adamnan turatyn bastamashy top referendýmǵa qatysý quqy bar jáne shamamen alǵanda ár oblystan, sondaı-aq Qazaqstan Respýblıkasynyń astanasy men Almaty qalasynan teń ókildik etetin 850 azamat qatysqan jınalysta qurylǵan edi. Bas prokýratýranyń aqparaty boıynsha, jınalys pen bastamashy topty qurý «Respýblıkalyq referendým týraly» Konstıtýtsııalyq zań talaptaryna tolyqtaı sáıkes keledi»,-delingen maqalada.
Basylymda atap kórsetilgenindeı, «Zańnamaǵa sáıkes referendýmdy taǵaıyndaý týraly máselege bastamashylyq etý úshin referendým bastamashylary barlyq oblystardy, Qazaqstan Respýblıkasynyń astanasy men Almaty qalasyn teń mólsherde bildiretin keminde 200 myń azamattyń qolyn, ıaǵnı árbir óńirden 12,5 myńnan kem emes qol jınaýy tıis».
Sondaı-aq «Egemen Qazaqstan» basylymynyń búgingi nómirinde «Eýrazııa kelesheginiń jańa irgetasy» atty kólemdi materıal basyldy. Munda EQYU-ǵa múshe memleketter basshylarynyń Sammıti jóninde tolymdy oılar aıtylady. Eýropalyq qaýipsizdiktiń paradıgmasyna ózgeris engizilgeli otyrǵan Astana qalasynda Eýrazııanyń jańa keleshegi qalandy. Bul kúnge Qazaq eli eren eńbektiń nátıjesinde qol jetkizdi. Memlekettiń ishki turaqtylyǵyn saqtaı otyryp, syrtqy baılanystardy joǵary deńgeıde damytý - úlken jaýapkershiliktiń ıesine tán qasıet. Eliniń keleshegin búginnen eńseli etken Elbasyna halqymyzdyń senimi mol. Batys qundylyqtary men shyǵys dástúrleriniń sıntezi negizindegi Qazaqstannyń baǵyndyrar belesteri áli alda dep bilemiz», - delingen maqalada.
***
«Barys jyly baryn berdi». «Alash aınasy» gazetiniń búgingi nómirinde dál osyndaı taqyryppen ótken jylǵa sholý jaalǵan maqala basyldy. «Biz bul jyly ne bitirdik?» degen saýalǵa júginip órilgen maqalada barys jylynda atqarylǵan jetken jetistikterimiz ben jibergen kemshilikterimiz saralanady. Maqalada Qazaqstannyń EQYU-ǵa tóraǵalyǵy, Astana Sammıti, 2020 jylǵa deıingi damý strategııasynyń qabyldanýy, Kedendik Odaqtyń qurylýy syndy elimizdiń tuǵyryn bıiktetken sharalar sholý jasalynǵan. «Birshama ýaqyttan soń Barys jylyn «EQYU-ǵa tóraǵalyq etken jyl, Astana Sammıti ótken nemese Qyzylaǵash pen Tarbaǵataıdy sý alǵan, Kedendik Odaqqa engen, Bákıev tóńkerilgen jyl» dep eske alarmyz»,-delingen maqalada.
***
«Aıqyn» gazetiniń 28 jeltoqsandaǵy sanynda «Jańa jobalar jasampazdyqtyń bastaýy bolmaq» atty maqala oqyrmanǵa jol tartty. Maqalada «Samuryq-Qazyna» ulttyq ál-aýqat qorynyń Údemeli ındýstrııalyq-ınnovatsııalyq damý baǵdarlamasyn júzege asyrýshy memlekettik operator retinde ózderiniń ne bitirgenderi jóninde el aldynda esep bergeni jazylǵan. "Sýperholdıng ÚIID baǵdarlamasy aıasynda 21 jobany iske asyrýda eken. Jalpy quny 22 mıllıard dollar bolatyn taǵy 21 iri jobany osy qorǵa kiretin Qazaqstannyń Damý banki qolǵa alǵan eken. Ulttyq ál-aýqat qorynyń taratqan aqparyna júginsek, «Samuryq-Qazyna» otandyq energetıka salasyna salynǵan barlyq ınvestıtsııanyń 93%-yn bir ózi qamtamasyz etipti! Ol ol ma, qazaqstandyq munaı óńdeý sektoryna jáne elimizdegi ınfraqurylymdy jańartýǵa quıylǵan qarjylardyń 86%-y da - osy qordyń úlesinde. Muny azsynsańyz, Qazaqstannyń jańa-jańa eńse tiktep, qaz turyp kele jatqan hımııa óndirisi men farmatsevtıkasyna tartylǵan búkil ınvestıtsııanyń 84%-y - osy sýperholdıngtiki ekenin aıtýǵa bolady. «Samuryq-Qazyna» basshylyǵy Memleket basshysyna ózderi qolǵa alǵan jobalardyń qurylysy 32,5 myńnan astam jumys qolyn qajet etetindigin, al olardyń júzege asýy nátıjesinde 6,5 myń turaqty jumys orny ashylatyndyǵyn málim etti", -delingen maqalada.
«Kóksaraıdyń birinshi kezegi iske qosylǵan bıylǵy 10 aqpanda Shardara qoımasyndaǵy sýdyń kólemi 4749 mln tekshe metrge jetti. Artyq sý Kóksaraıǵa jınaqtaldy. Shardaradan tómen qaraı sekýndyna 1 myń tekshe metr sý tastaldy. Bul Qyzylorda oblysy úshin óte qaýipti edi. Biraq jiberilgen sýdyń 300 tekshe metrin Kóksaraıǵa alý arqyly Syrdarııa ózeniniń tómengi aýmaqtaryn sý basyp qalý qaýpin azaıtýǵa qol jetkizildi. 30 naýryzǵa deıin tospada 913 mln tekshe metr sapaly sý jınaqtaldy. Ol Qyzylorda, Áıtek, Qazaly jáne Aqlaq gıdrotehnıkalyq qurylǵylarynyń kómegimen aýyl sharýashylyǵy jerlerin sýlandyrýǵa, kólderdi toltyrýǵa jáne Aral óńiriniń ekologııalyq júıesin qalypty jaǵdaıda ustaýǵa paıdalanyldy. Sonyń esebinen kúrish egistigi 77,4 myń gektarǵa jetip, ótken jylmen salystyrǵanda 6 myń gektarǵa artty. Endi bir aıdan soń tospanyń qurylysy tolyq aıaqtalyp, resmı túrde iske qosylady». Bul aıtylǵan dúnıeler «Aıqynnyń» búgingi nómirindegi «Kóksaraı - qaı jaǵynan da tıimdi» degen taqyryppen basylǵan maqalada aıtylady. Maqalada Kóksaraı sý rettegishi qurylysynyń barysy, Soltústik Aral óńirindegi turǵyndardyń áleýmettik-ekonomıkalyq, turmystyq ahýalyna qatysty dúnıeler qamtylǵan.
***
«Kazahstanskaıa pravda» basylymynyń búgingi sanynda «Nýrsýltan Nazarbaev - arhıtektor bezıadernogo mıra» degen taqyryppen kólemdi maqala jarııalandy. Maqalada atap kórsetilgenindeı, 50- jyldary ıadrolyq qarýdy ıelený - qyrýar qarajatty qajet etetin. Jáne ony kez-kelgen memlekettiń qaltasy kótere bermeıtin bolǵan. Qazir bári ózgeshe - tehnologııalar men ydyraýshy materıaldar ashyq túrde nemese qara naryqta erkin satylyp jatyr. ıAdrolyq qarýǵa qajetti shıkizatty kez-kelgen el ala alatyndaı dárejege jetti. 90- jyldardyń basynda bıpolıarly álemdik júıeniń qulaýy kóptegen «kishi memleketterdiń» ıadrolyq qarýdy ıelenýge degen qulshynysyn arttyra tústi. «Kórip otyrǵanymyzdaı, ıadrolyq qarýsyz álem túıtkili halyqaralyq qatynastyń ádil álemdik arhıtektýrasyn qurý qajettigiligine táýeldi. Álemdik masshtabtaǵy saıasatker N.Nazarbaev dál osy ajyratylmaıtyn eki uǵymǵa basty ekpin berip otyr»,-delingen maqalada.