«Barys» jyldyń sońǵy matchynda «Salavat ıÝlaev» komandasymen oınaıdy
NUR-SULTAN. QazAqparat – Qurlyqtyq hokkeı lıgasynda «Barys» bıylǵy jyldyń sońǵy matchyn óz aıdynynda «Salavat ıÝlaev» (Ýfa) komandasymen ótkizedi, dep habarlaıdy QazAqparat tilshisi.
Shyǵys konferentsııada ýfalyqtar 57 upaımen tórtinshi orynda tursa, 42 upaıy bar «Barys» segizinshi satyda keledi.
ıÝrıı Mıhaılıstiń shákirtteri buǵan deıin syrt aıdynda úsh kezdesý ótkizip, Ekaterınbýrgte negizgi qarsylasy «Avtomobılısti» 2:0 esebimen jeńdi.
Munda qaqpashy Ionı Ortıo tamasha oınap, 32 soqqyny qaıtardy.
Alaıda budan keıin elordalyqtar jeńisti jolyn jalǵastyra almaı, «Ak Bars» (3:5) pen «Traktordan» (2:4) utylyp qaldy.
Degenmen óz aıdynynda qazaqstandyqtar «Avtomobılısti» býllıt serııasynda tize búktirdi (3:2).
«Salavat ıÝlaev» sońǵy kezde matchtarynyń kópshiligin syrt aıdynda ótkizip keledi. Tórt kezdesýdiń bireýinde ýfalyqtar «Ak Barstan» 4:2 esebimen basym tústi.
Sosyn overtaımda «Kýnlýn Red Stardan» aılasyn asyrdy (4:3).
Qalǵan matchtarda qatty qarsylyqqa tap bolyp, «Sıbırge» (Novosibir) overtaımda jáne máskeýlik «Spartakka» býllıtter serııasynda 2:3 esebimen jol berdi.
Ýfalyqtar bıylǵy maýsymnyń betashar oıynynda 3 qyrkúıek kúni «Barysty» óz aıdynynda iri eseppen (5:1) utyp ketken edi.
Aıdyn ıeleri sonyń esesin qaıtara ala ma, ony búgingi kezdesý kórsetedi.
«Barys» — «Salavat ıÝlaev» matchy elorda ýaqytymen saǵat 19.30-da bastalyp, «Qazsport» telearnasynan tikeleı efırde kórsetiledi.
Eske sala keteıik, budan buryn «Barystyń» býllıt serııasynda «Avtomobılısti» jeńgenin jazǵan bolatynbyz.
