«Barys» jańa maýsymyn jeńilispen bastady
ASTANA. 7 qyrkúıek. QazAqparat - Qazaqstandyq «Barys» klýby 2012/2013 Qurlyqtaǵy hokkeı lıgasynyń kezekti chempıonatyn jeńilispen bastady,
dep habarlady Vesti.kz . Máskeýde ótken oıynda astanalyqtar jergilikti «Dınamo» komandasynan 1:5 esebimen jeńilip qaldy.
Konstantın Kasıanchýk baǵyttaǵan ıÝrıı Babenkonyń shaıbasyn «Barys» qaqpashysy Vıtalıı Eremeev oıynnyń 16-shy mınýtynda ótkizip aldy. Eki mınýt óter-ótpesten Babenko men Kasıanchýktyń sheberligi arqasynda taǵy da eselendi.
Oıynnyń ekinshi kezeńinde máskeýlik Rıhard Gıýnge bizdiń komandamyzdyń qaqpasyna 4-shi ret shaıbany kirgizdi. 0:4 esebimen kele jatqan «Barys» komandasy Talǵat Jaılaýovtyń arqasynda ǵana qaqpa qulpyn buzdy. Degenmen oıynnyń 52-shi mınýtynda Gıýnge het-trıkti oryndady.
«Barystyń» kelesi matchy 8 qyrkúıekte Sankt-Peterborda SKA komandasymen muz aıdynyna shyǵady.
