«Barys» VS «Traktor»: esep teńesti
ASTANA. QazAqparat - Búgin astanalyq "Barys" xokkeı klýby óz alańynda "Traktordy" qabyldap, pleı-off aıasynda kezekti tórtinshi matchyn ótkizdi, dep habarlaıdy QazAqparat tilshisi.
Birinshi kezeńde shaıba soǵylǵan joq. Alaıda, eki jaqta da jaqsy múmkindikter boldy. "Barys" úsh márte bir xokkeıshige artyq quramda oınasa da, "Traktor" qaqpasynyń sańlaýyn taba almady. Al ekinshi kezeńde qarsylastar óz múmkindigin qalt jibermedi. Pol Şexýra soqqan shaıbany "Barystyń" qaqpashysy ustaı almady. Esep - 0:1.
Osydan keıin astanalyq klýbtyń xokkeıshileri óz shabýyldaryn údete tústi. Úshinshi kezeńde Kırıll Koltsov "Barys" xokkeıshisiniń oıyn taıaǵyn qasaqana syndyrǵannan keıin tóreshiler aıypqa býllıt belgiledi. Naıdjel Doýs ony iske asyra almady. Degenmen, bir mınýt ótpeı, Doýstyń ózi komandanyń san basymdyǵyn paıdalanyp, esepti teńestirdi. Oıynnyń negizgi ýaqyty osymen aıaqtaldy. Overtaımda qarsylastar aılasyn asyryp ketti. Qorytyndy esep - 1:2
Sonymen, tórt matchtyń qorytyndysy boıynsha esep teńesip otyr. Pleı-offta kelesi aınalymǵa shyǵý úshin qarsylasty tórt ret jeńý kerek. Ázirshe - 2:2.
