«Barys» tórt oıynda úsh ret jeńiske jetti
ASTANA. 9 jeltoqsan. QazAqparat - Astana qalasynyń «Barys» hokkeı klýby syrt alańda ótkizgen tórt oıynda úsh ret qatarynan jeńiske jetip, 8 upaıdy oljalap qaıtty.
«Barystyń» hokkeıshileri «Metallýrg» (Magnıtogorsk) pen «Traktor» (Chelıabi) syndy azýly komandalardy, sondaı-aq «Neftehımık» (Nıjnekamsk) quramasynan basym túsip, sońǵy oıynda «Salavat ıÝlaevqa» jol berip qoıdy. Degenmen, Astana qalasynyń hokkeı klýby syrt alańda ótkizgen tórt matchtan 8 upaı oljalady. Sonyń arqasynda onyń jalpy upaı sanyn 70-ke jetkizip, Qurlyqtyq hokkeı lıgasynyń jalpytýrnırlik kestesinde úshinshi orynǵa kóterildi. Al lıganyń Shyǵys konferentsııasynda «Barys» kósh bastap keledi. Aıta keteıik, buǵan deıin óz alańynda ótkizgen tórt oıynda «Barys» úsh ret utylǵan. Bratıslavanyń «Slovan» komandasymen ótkizgen matchta ǵana 6:1 esebimen jeńiske jetip, tolyq úsh upaıǵa qol jetkizgen.
Kelesi oıyndy «Barys» óz alańynda ótkizedi. Astanada ol «Metallýrg» (Reseı, Novokýznetsk) komandasyn qabyldaıdy.
