«Barys» tamyzda ótetin Prezıdent kýbogy týrnırine qatysady
NUR-SULTAN. QazAqparat - Elordalyq «Barys» komandasynyń aldaǵy maýsymǵa daıyndyq jospary belgili boldy, dep habarlaıdy QazAqparat tilshisi.
Málim bolǵanyndaı, «Barys» hokkeıshileri 13 shildede demalystan shyǵady. Odan keıin medıtsınalyq baqylaýdan ótkiziledi. Al 15 shildeden bastap eki aptalyq oqý-jattyǵý jıynynda sheberlikterin arttyrady.
Hokkeıshiler elordada 5-9 tamyz kúnderi ótetin Prezıdent kýbogy týrnırine qatysady, Al 11-14 tamyzda Reseıdiń Magnıtogorsk qalasynda jalaýyn kóteretin Ivan Romazan memorıalynda el namysyn qorǵaıdy. Sondaı-aq, birneshe joldastyq kezdesý ótkizý josparlanǵan. Al jańa maýsymdaǵy Qurlyqtyq hokkeı lıgasynyń turaqty chempıonaty 2 qyrkúıekte bastalady dep kútilýde.
Budan buryn shaıbaly hokkeıden Pavlodardyń «Ertis» komandasy qatysatyn Qurlyqtyq kýbogqa irikteý qalaı ótetini habarlandy.
