«Barys» syrt alańda "Vıtıaz" komandasynan utyldy
ASTANA. 23 qazan. QazAqparat - Chehovtyq "Vıtıaz" komandasy jeńisti oıyndaryn jalǵastyryp kele jatqan «Barysty» 3:2 esebimen jeńdi,
dep habarlandy Qurlyqtaǵy hokkeı lıgasynyń resmı saıtynda. Oıyn keshe keshke qaraı ótti.
Vladımır Krıkýnovtyń shákirtteri kezdesýdiń ekinshi mınýtynda esep ashty. Shaıbany Vıktor Aleksandrov qaqpaǵa kirgizdi. Bir mınýttan keıin muz aıdynynda teketires boldy, onda eki komandanyń oıynshylary Djon Mırastı jáne Trevor Gıllıs «shekisip» qaldy. Alaıda jeńis oıynnyń ekinshi kezeńinde shyqqan Gıllıske buıyrdy, al Mırastı budan keıin aıdynda kórine qoıǵan joq.
Al birinshi kezeńniń aıaqtalýyna 5 mınýt qalǵanda Mıhaıl Grıgorev qazaqstandyq komandanyń esebin arttyrdy. Alaıda oıynnyń ekinshi jıyrmasynshy mınýtynda reseılikter ústi-ústine shabýyldady. Bul óz nátıjesin bermeı qalǵan joq. Chehovtyqtar esepti teńestirip, oıyndy overtaımǵa almastyrdy. Onyń qortyndysy boıynsha «Vıtıaz» komandasy jeńiske jetti.
