«Barys» syrt alańda «Aq Barystan» basym tústi
ALMATY. Qazannyń 28-i. QazAqparat /Erbol Turymbetov/ - Qurlyqtyq hokkeı lıgasy aıasynda astanalyq «Barys» syrt alańda qazandyq «Aq Barysty» 5:2 esebimen oısyrata utty.
Oıynnyń nebári 32-inshi sekýndynda «Barystyqtar» sapynan Kashpar esep ashty. Al 10-ynshy mınýtta Bochenskı esepti eseledi. Qarsylastar ishinde Nıkýlın 13-inshi mınýtta alǵashqy shaıbalaryn soqsa, araǵa 15 mınýt salyp elordalyqtar úshinshi shaıbasyn toǵytty. Qarsylasymyz Hossa Morozovtyń kómegimen 2-nshi shaıbalaryn soqqanmen, Gavrılın men Jaılaýov jubynyń keremet pasyn paıdalanǵan Krasnoslobodtsev 4-inshi shaıbanyń ıesi atandy. Kezdesýdi Kashpar 59-ynshy mınýtta óziniń úshinshi shaıbasyn soǵýmen aıaqtady.
Tartysty oıyn Qazan qalasyndaǵy «Tatneft-Arena» muzdy alańynda ótti.
