«Barys» - «Sıbır» kezdesýin qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasynda Reseıdiń «Sıbır» (Novosibir) komandasyn qabyldaıdy, dep habarlaıdy QazAqparat tilshisi.
Eki komanda búgingi kúnge deıin 36 márte sheberlik baıqasty. Elordalyq klýb 16 kezdesýde basym tússe, qalǵanynda qarsylasyna ese jiberdi. Bıylǵy dodada ekeýi Novosibirde bir ret kezdesip, onda elordalyq hokkeıshiler 2:0 esebimen jeńiske jetken bolatyn.
«Sıbır» pleı-off kezeńine joldama aldy. Qazir týrnır kestesinde 57 oıynnan keıin 68 upaı jınap, onynshy orynda tur. Al týrnır kestesinde altynshy orynda kele jatqan «Barystyń» enshisinde 58 oıynnan keıin 79 upaı bar. Olar da pleı-off kezeńine berilgen joldama taǵdyryn birneshe týr buryn sheship qoıǵan edi.
«Barys» alty týr boıy qatarynan jeńiske jetip keledi. Al «Sıbır» ala-qula oıynymen kózge túsip júr. Sońǵy ret olar elordada «Barystan» 2017 jyldyń 17 qyrkúıeginde ǵana 4:0 esebimen basym tústi.
«Barys» pen «Sıbır» arasyndaǵy kezdesý elorda ýaqytymen 19.30-da bastalady. Oıyn «Qazsport» telearnasynan tikeleı efırde kórsetiledi.
Budan buryn «Barys» elordada Reseıdiń «Sochı» komandasynan 3:2 esebimen basym tústi.