«Barys» Shyǵys konferentsııasynda kósh bastap keledi
ASTANA. 6 jeltoqsan. QazAqparat - Astana qalasynyń «Barys» hokkeı klýby syrt alańda «Neftehımık» (Reseı, Nıjnekamsk) komandasyn 0:1 esebimen jeńdi.
Oıynnyń birinshi kezeńinde Konstantın Romanov jeke ózi qarsylastar qorǵanysyn buzyp, matchtyń jalǵyz shaıbasyn saldy. Odan keıingi eki kezeńde «Neftehımıkte» tarazy basyn teńestirip ketýge tamasha múmkindikter boldy. Alaıda «Barystyń» qaqpashysy Arı Ahonen barlyq soqqylardy sheber toıtara bildi. Qorytyndy esep - 0:1.
Osy oıynnan keıin «Barys» 70 upaımen Qurlyqtyq hokkeı lıgasynyń jalpytýrnırlik kestesinde úshinshi orynǵa kóterilse, óz tobynda, ıaǵnı Shyǵys konferentsııasynda «Aq barsty» artqa tastap, birinshi orynǵa shyqty.
