«Barys» shveıtsarııalyq «Lýgano» komandasynan oısyraı utyldy

NUR-SULTAN. QazAqparat – «Barys» jańa maýsym aldyndaǵy qorytyndy joldastyq kezdesý ótkizdi, dep habarlaıdy Sports.kz.

Ports qalasynda (Shveıtsarııa) «Barys» jergilikti «Lýgano» komandasymen oınady. Match qazaqstandyqtardyń oısyraı jeńilýimen (3:7) aıaqtaldy.

Qarsylastardan shaıbany Matteo Romanengı (3-mınýtta), Reto Sýrı (4-inshi), Domınık Lammer (10-ynshy), ıAnnı Laıýnen (21-inshi), Raıan Spýner (25-inshi), Darıo Bıýrgler (28-inshi), Raffaele Sannıts (30-ynshy) saldy. Al «Barystan» Anton Sagadeev (25-inshi), Arkadıı Shestakov (30-ynshy) jáne Erık Tangredı (41-inshi) erekshelendi.

Eske sala ketsek, «Barys» Qurlyqaralyq hokkeı lıgasynyń (QHL) jańa maýsymyn 3 qyrkúıekte bastaıdy. Ol óz alańynda «Admıralmen» kezdesedi. Budan soń 5 qyrkúıekte qazaqstandyqtar taǵy da óz aıdynynda «Amýrǵa» qarsy oınaıdy.