«Barys» shabýylshysy Lınden Veı Qazaqstan azamattyǵyn alýy múmkin
ASTANA. QazAqparat - Astanalyq «Barystyń» shabýylshysy Lınden Veı «R-Sport» agenttigine Qazaqstan azamattyǵyn alý jáne osy eldiń ulttyq komandasy atynan shyǵý jónindegi máseleler osy maýsymnyń aıaǵyna deıin sheshiletindigin málimdedi. Bul jaıly Sports.kz habarlaıdy.
Kanadalyq Veı shilde aıynda «Baryspen» bir maýsymǵa kelisim jasasty. Klýb quramynda azamattyq quqyq berilgen kanadalyq oıynshylar Naıdjel Doýs, Kevın Dallmen jáne Marten Sen-Per de bar.
Veı 8 matchta 13 upaı jınady (2 gol jáne 11 nátıjeli berý), ol QHL-y maýsymynyń úzdik shabýylshylary tiziminde ekinshi orynǵa jáne úzdik ps berýshi tiziminde birinshi orynǵa ıe.
«Bul meniń «Barystaǵy» alǵashqy maýsymym. Asyǵýdyń qajeti joq, kúte turý kerek. Onyń ústine mundaı sheshimdi (Qazaqstan quramasy atynan shyǵý) men ǵana emes, federtsııa da qabyldaıdy. Munyń keremet bolatynyn bilemin, alaıda, sheshimniń maýsym sońyna qaraı qabyldanǵany durys. Aldymen meniń birinshi jylym qalaı ótetinin kórý kerek», - deıdi Veı.
2018 jylǵy Olımpıada aqpan aıynda ońtústikkoreılik Phenchhanda UHL-ynyń qatysýynsyz ótedi.
«Olımpıadada Kanada quramasynyń atynan oınaýǵa meniń qandaı múmkindikterim bar ekenin bilmeımin. Meni tamyz aıyndaǵy týrnırge ulttyq komanda quramyna shaqyrdy, biraq men bas tarttym, óıtkeni, oıyndardy jiberip almas úshin «Barysta» turaqtap qalýdy sheshtim», - dedi Veı.
