«Barys» - «Salavat ıÝlaev» matchyn qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Salavat ıÝlaev» komandasyn qabyldaıdy, dep habarlaıdy QazAqparat tilshisi.
Oıyn elorda ýaqytymen 19.30-da bastalady. Kezdesý «Qazsport» telearnasynan tikeleı efırde kórsetiledi.
Eki komanda búginge deıin 44 márte kezdesti. Onyń 16-sy «Barystyń» jeńisimen aıaqtaldy. Qalǵanynda qarsylasyna ese jiberdi. Qýantarlyǵy, sońǵy úsh kezdesýdiń ekeýinde elordalyq klýbtyń mereıi ústem boldy.
«Salavat ıÝlaev» 59 oıynnan keıin 66 upaı jınap, qazir týrnır kestesinde on ekinshi orynda tur. Al «Barys» 59 oıynnan keıin 79 upaı jınap, altynshy orynda keledi. Komandalar pleı-off kezeńine beriletin joldamaǵa qol jetkizip úlgerdi.
Sońǵy týrda «Salavat ıÝlaev» Ýfa qalasynda «Sochı» komandasynan 2:0 esebimen basym tússe, alty oıynǵa sozylǵan jeńis serııasynan keıin «Barys» elordada «Sıbır» klýbynan overtaımda 1:2 esebimen jeńilip qalǵan edi.
«Barys» budan keıin syrt aıdynda eki oıyn ótkizedi. Aldymen 24 aqpanda Reseıdiń «Admıral» (Vladıvostok), 26 aqpanda «Amýr» (Habarovsk) komandalarymen kezdesedi. Sodan soń qurlyqtyq hokkeı lıgasy turaqty kezeńi aıaqtalyp, pleı-off satysy bastalady.
