«Barys» «Salaýat ıÝlaevtan» matchtyń sońǵy sekýndtarynda jeńisti julyp aldy (FOTO)
ASTANA. QazAqparat - Elordalyq «Barys» hokkeı klýby 2014/2015 QHL maýsymyndaǵy alǵashqy matchynda óz alańynda Ýfanyń «Salaýat ıÝlaev» komandasyn 5:4 esebimen utty.
Astanada QHL jańa maýsymynyń ashylýy QR Memlekettik hatshysy, Qaýipsizdik keńesiniń hatshysy mindetin ýaqytsha atqarýshy, Qazaqstannyń Fýtbol federatsııasynyń prezıdenti Ádilbek Jaqsybekovtiń jáne «Qazaqstan temir joly» UK» AQ prezıdenti, Qazaqstannyń Hokkeı federatsııasynyń prezıdenti Asqar Mamınniń qatysýymen ótti.
Match eki komandanyń da shabýylymen bastaldy. Oıynnyń alǵashqy sátinde qonaqtar býllıtti iske asyrý quqyǵyna ıe boldy, alaıda «Barystyń» golkıperi ıAn Latso shaıbany qaıtara bildi.
Budan keıin alań qojaıyndary birneshe qaýipti kombınatsııalardy júrgizdi. Sonyń nátıjesinde 4-mınýtta «Salaýat ıÝlaevtyń»» qaqpasyna alǵashqy shaıba salyndy. «Barystyń» alǵashqy shaıbasynyń avtory - Naıdjel Doýs boldy. Jankúıerler bul jeńispen bir-birin quttyqtap jatqan kezde Dastın Boıd elordalyq komandanyń tabysyn eki eseledi.
Degenmen «Salaýat ıÝlaevtyń» hokkeıshileri ekinshi jıyrmasynshy mınýtta tórt upaımen alǵa shyqty.
Úshinshi kezeńniń basynda Andreı Nazarovtyń hokkeıshileri jaǵdaıdy túzetip, qarymta qaıtardy. Al oıynnyń aıaqtalýyna eki sekýnd qalǵanda Naıdjel Doýs qonaqtardyń qaqpasyna jeńisti shaıbany túsirdi.
Sóıtip, «Barys» QHL jańa maýsymyn tamasha jeńispen sátti bastady.
