«Barys» reseılik «Metallýrg» komandasymen besinshi kezdesýin ótkizedi
NUR-SULTAN. QazAqparat - Qazaqstandyq «Barys» qurlyqtyq hokkeı lıgasynyń pleı-off satysynda búgin, 9 naýryzda Reseıde «Metallýrg» (Magnıtogorsk) komandasymen besinshi kezdesýin ótkizedi, dep habarlaıdy QazAqparat tilshisi.
Kezdesý elorda ýaqytymen 19:50-de «Qazsport» telearnasynan tikeleı efırde kórsetiledi.
Bıylǵy pleı-off satysynda komandalar tórt oıyn ótkizip úlgerdi.
Ázirge jeńister serııasynda «Metallýrg» 3:1 esebimen alda tur.
Búgin reseılik klýb jeńiske jetken jaǵdaıda pleı-off satysyndaǵy oıyndar toqtatylyp, «Metallýrg» jarystyń kelesi satysyna joldama alady.
Qazirge deıin 1/2 fınalǵa Reseıdiń SKA, «Spartak», TsSKA komandalary shyǵyp úlgerdi.
Eske salsaq, Magnıtogorskide ótken alǵashqy kezdesýde «Barys» qarsylasynan 3:2 esebimen basym tústi. Odan keıin 2:6 esebimen ese jiberdi.
5 naýryzda elordada aldymen qarsylasyna 3:5, odan keıin 2:5 esebimen jol berdi.
Bes matchta jeńimpaz anyqtalmaǵan jaǵdaıda 11 naýryzda elordada taǵy bir oıyn ótedi.
Eki komanda buǵan deıin pleı-off satysynda tórt márte jolyqty.
Onyń ekeýinde «Barys» jarysty jalǵastyrsa, ekeýinde «Metallýrg» klýbynyń joly boldy.
