«Barys» Reseıde «Avtomobılıst» komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Avtomobılıst» (Ekaterınbýrg) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 21 qańtar elorda ýaqytymen 17:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 56 márte kezdesti. Onyń 21-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde elý tórt oıynnan keıin 50 upaıǵa qol jetkizgen «Barys» 18-orynda keledi.

Al, elý eki oıynnan keıin 68 upaı jınaǵan «Avtomobılıst» 7-orynǵa jaıǵasqan.

Eske salsaq, budan buryn «Barys» Reseıde «Traktor» komandasynan basym tústi.