«Barys» pleı-offtyń ekinshi kezeńin jeńilisten bastady
ASTANA. QazAqparat - "Barys" hokkeı klýby Astanada ótken Gagarın kýboginiń ekinshi pleı-offtyq kezeńinde Ýfa qalasynyń "Salavat ıÝlaev" komandasyn qabyldap, alǵashqy matchta jeńilis tapty.
Birinshi aınalymdy qazaqstandyq komanda óte qarqyndy bastady. Sonyń arqasynda qarsylastardyń qaqpasyna jyldam shaıba engizip, oıynda alǵa shyqty. Gol avtory - Maık Landın. Degenmen ekinshi jıyrmamınýttyqta "Salavat ıÝlaev" klýby esepti teńestirip, komandalar úziliske 1:1 esebimen attandy.
Úshinshi aınalymdy ýfalyqtar belsendi kórindi. Bastapqy kezde-aq olar "Barys" qaqpasyna gol salyp, esepti 1:2 jetkizgen bolatyn. Alaıda shabýyldy údete túsken astanalyqtar oıynnyń aıaqtalýyna shamamen úsh mınýt qalǵanda Antropovtyń kómegimen esepti teńestirdi. Overtaımda "Barys" hokkeıshileri basymdyqty qarsylasqa berip qoıdy, qosymsha ýaqyttyń 2:17 mınýtynda Nıkıta Fılatov "Salavat ıÝlaevty" alǵa shyǵardy. Aıta keteıik, pleı-offtyń kelesi kezeńine shyǵý úshin komandalardyń biri tórt kezdesýdi jeńýi tıis. Erteń "Barys" pen "Salavat ıÝlaev" Astanada ekinshi oıyn ótkizedi. Sodan soń eki match Ýfada bolady.
