«Barys» pen «Aq Barstyń» arasyndaǵy tartysty kezdesý qazandyqtardyń jeńisimen aıaqtaldy

Oıynnyń bastalýynan-aq, astanalyq muz aıdyn ıeleri úshin búgingi tartystyń ońaıǵa túspeıtini birden baıqaldy.

"Aq Barstyń" qaqpasyn alǵashqy shabýyl óz nátıjesin berdi. Gol ıesi - Brendon Bochenskı. Esepti qonaqtar tek oıynnyń 35-shi mınýtynda ǵana teńestire aldy. Eń tartysty da qyzyqty sátter oıynnyń úshinshi kezeńinde boldy. 46-shy mınýtte Roman Savchenko "Barysty" alǵa shyǵardy. Endi qazaqstandyq hokkeıshilerdi jeńisimen quttyqtaıtyn sát týýǵa jaqyndaǵan kezde Tatarstan hokkeıshileri qaqpashyny alańdaǵy oıynshymen aýystyryp, oıyndy teńestirip ketti - 2:2. Overtaım oıynnyń esebine ózgeris engizgen joq. Al býllıtter serııasynda qazandyqtar mergendik tanytyp jeńiske jetti.