«Barys» óz aıdynynda TsSKA-ǵa birde-bir shaıba sala almady
NUR-SULTAN. QazAqparat – Elordalyq «Barys» klýby Qurlyqtyq hokkeı lıgasy aıasynda óz aıdynynda Máskeýdiń TsSKA-syn qabyldap, oısyraı jeńildi. Osylaısha, QHL-dyń qatarynan bes matchynda baǵy janbady. Bul týraly QazAqparat Sports.kz saıtyna silteme jasap habarlaıdy.
Jankúıerler qyzyqty oıyn bolaryn kútti. Sebebi Nur-Sultanǵa Gagarın Kýbogynyń qazirgi ıegeri keldi. Al elordalyqtar quramynda birinshi bólimde jańa hokkeıshi Lınýs Vıdell shyqty. Alǵashqy kezeń teńdeı derlik ótti. Al ekinshisinde «barystyqtar» shıraı túsip, qonaqtardy qaqpashylary Igor Sorokın qutqaryp turdy. Alaıda, sońǵy mınýtta TsSKA ókili Bogdan Kısılevıch esepti ashty.
Sońǵy jıyrma mınýtta elordalyqtar ese qaıtarýdyń birneshe múmkindigin jiberip alyp, aqyr sońynda Maksım Grıgorenkodan ekinshi shaıbany ótkizip aldy. Oıynnyń núktesin Kırıll Kaprızov qoıdy. Esep – 3:0, qonaqtardyń jeńisi jáne aıdyn ıeleriniń qatarynan besinshi jeńilisi.
Endi, «Barys» 12 qarasha kúni syrtta Cherepovetstiń «Severstal» klýbymen oınaıdy.
«Barys» (Nur-Sultan, Qazaqstan) – TsSKA (Máskeý, Reseı) 0:3 (0:0, 0:1, 0:2)
Shaıbalar:
0:1 — 39:03 Kıselevıch (Karnaýhov).
0:2 — 52:38 Grıgorenko. Teń oıynshylarmen
0:3 — 58:25 Kaprızov. Teń oıynshylarmen, bos qaqpaǵa
Qaqpashylar: Paskýale — Sorokın
Aıyptar: 6:8 (4:4, 2:4, 0:0).
Foto: www.hcbarys.kz
