«Barys» oıynshysy QHL-dyń qyrkúıektegi eń úzdik qorǵaýshysy atandy
ASTANA. QazAqparat - Qurlyqtyq hokkeı lıgasy chempıonatynyń úzdik hokkeıshilerin anyqtaý jónindegi komıssııa qyrkúıektiń laýreattaryn jarııalady, dep habarlaıdy «SPORTINFORM» SAA QHL-dyń resmı saıtyna silteme jasap.
«Barystyq» Darren Dıts eń úzdik qorǵaýshy ataǵyna ıe boldy. Sportshy 11 matchta komandamen birigip 6 márte jeńiske jetken, tıimdilik kórsetkishinde 12 (4+8) upaı jınady. Sondaı-aq, «Neftehımık» pen rıjdik «Dınamonyń» qaqpasyna shaıba soǵyp, jeńiske tuǵyryna kóterildi. Kanadalyq qorǵaýshy qaqpaǵa 39 márte shaıba laqtyryp, 21 márte kúshteý ádisin kórsetti. Sondaı-aq, qarsylasynyń 12 soqqysyn tejep tastaǵan (qorǵaýshylar ishindegi aıdyń eń úzdik kórsetkishi).
