«Barys» - «Metallýrg»: esep teńesti
ASTANA. 10 naýryz. QazAqparat - Keshe Astanada Qurlyqtyq hokkeı lıgasynyń pleı-off serııasy aıasynda «Barys» pen «Mettallýrgtiń» altynshy kezdesýi ótip, magnıtogorlyqtar 3:4 esebimen basym tústi.
Oıynnyń alǵashqy kezeńin astanalyq hokkeıshiler sátti bastap, qarsylastyń qaqpasyna birden eki shaıba saldy. Birinshi shaıbanyń avtory Talǵat Jaılaýov atansa, on besinshi mınýtta Endrıý Hatchınson áriptesiniń jetistigin eki eseledi. «Metallýrg» bul kezeńde tek bir shaıbany ǵana salyp úlgerdi. Al ekinshi kezeńde tarazy basy teńesti. Bir ókinishtisi, Talǵat Jaılaýovtyń shaıbasy eseptelmeı qaldy. Sebebi qarsylastyń qaqpasy sál jyljyp ketti. Sońǵy kezeńde «Barystyń» shabýyldary qatty boldy. Degenmen, magnıtogorlyqtar úshinshi shaıbany salyp, alǵa shyqty. Bir mınýt ótpeı, Andreı Gavrılın úshinshi shaıbanyń avtory atanyp, esep basyn teńestirdi. Al overtaımda qarsylastar bizdiń qaqpashymyzdy qapy qaldyryp, oıynnyń sońǵy shaıbasyn sala bildi. Esep 3:4. «Metallýrg» jeńdi.
Sonymen, Qurlyqtyq hokkeı lıgasynyń pleı-off serııasy aıasyndaǵy «Barys» pen «Mettallýrgtiń» altynshy kezdesýi boıynsha esep teńesti. 3:3. Naýryzdyń 11-i kúni Reseıdiń Magnıtogorsk qalasynda sheshýshi match ótpek.
