«Barys» Maık Landınniń kelisimshartyn uzartty
ASTANA. QazAqparat - Astanalyq «Barys» hokkeı klýby amerıkalyq qorǵaýshy Maık Landınniń kelisimshart merzimin uzartty, dep habarlaıdy Qurlyqtyq hokkeı lıgasynyń resmı saıty.
29 jasar hokkeıshi eki jyldyq kelisimge qol qoıdy. Maık Landın qazaqstandyq komandada 63 match ótkizip, 28 upaı jınady. Onyń paıda kórsetkishi «+8».
Bunyń aldynda klýb basshylyǵy Dmıtrıı Ýpper men Vıtalıı Eremeevtiń kelisimsharttaryn uzartqan bolatyn.
Aıta ketý kerek, qazirgi ýaqytta Qazaqstan hokkeı quramasynyń oıynshysy Kevın Dallmanmen kelisimshart jasaý jóninde kelissózder júrgizilýde. Ol budan buryn 2008-2012 jyldar aralyǵynda «Barys» sapynda óner kórsetti.
