«Barys» Máskeýde jergilikti «Spartak» hokkeı klýbyn 4:2 esebimen utty
TANA. 28 qarasha. QazAqparat /Jasulan Amanbaıuly/ - Astanalyq «Barys» hokkeı klýby Qurlyqtyq hokkeı lıgasy chempıonaty aıasynda ótken kezdesýde Máskeý qalasynda jergilikti «Spartak» komandasyn 4:2 esebimen oısyrata jeńdi.
Oıynda alǵashqy bolyp qazaqstandyq klýbtyń sapynan qorǵaýshy ıÝnas ıÝnland esep ashty. Birinshi aınalymnyń sońynda «Barys» hokkeıshileri 0:2 esebimen alǵa shyqty, shaıbany qarsylastar qaqpasyna Vadım Krasnoslobodtsev toǵytty. Matchtyń 29-mınýtynda astanalyq shabýylshy Lýkash Kashpar máskeýlikter qaqpasyna 3-shaıbany salyp, eseptegi basymdyqtaryn taǵy bir eseletti.
Úshinshi taımnyń orta tusynda «Spartak» oıyny birshama jandana túsip, bir mınýttyń ishinde astanalyqtardyń qaqpasyna (46 jáne 47 mınýttarda) qatarynan eki gol salynady, esep - 2:3. Kezdesý aıaqtalýǵa jaqyn qalǵanda qarsylastar muz aıdynǵa qaqpashynyń ornyna altynshy oıynshyny shyǵarady. Bul sátti Lýkash Kashpar paıdalanyp, qaraýsyz qalǵan qaqpaǵa kezekti jeńis shaıbasyn saldy. Tablodaǵy qorytyndy esep - 2:4.
Match Máskeý qalasynda, 26 qarasha kúni keshke «Sokolnıkı» sport saraıynda ótti.
