«Barys» «Magnıtkadan» taǵy jeńildi
ASTANA. 24 qarasha. QazAqparat - «Barys» hokkeı klýby Magnıtogorskide ótken Qurlyqtyq hokkeı lıgasynyń matchynda jergilikti «Metallýrg» komandasynan 1:5 esebimen jeńildi, dep habarlady Vesti.kz.
Kezdesýde oıyn ıeleri esepti match bastalysymen ashty. Oıynnyń 9-shy mınýtynda Maksım Spırıdonov Mıhaıl ıAkýbovtyń oıynnan shyǵarylǵanyn paıdalana otyryp, Nıkolaı Antropov pen Brendon Bochenskııdiń baǵyttaǵan shaıbasyn qaqpaǵa kirgizdi. Esep teńeskenimen, bul matchta taǵy bir goldy salý «Barystyń» qolynan kelmedi.
Oıynnyń 15-shi mınýtynda «Magnıtkanyń» eń úzdik shabýylshysy Sergeı Mozıakın Nıkolaı Kýlemınmen birigip, shaıbany qaqpaǵa dóp túsirdi. Osylaısha, Teemý Lassılanyń qaqpasynda taǵy da qyzyl tústi sham jandy.
Al ekinshi kezeńde oıynnyń ıeleri astanalyqtardyń qaqpasyna oıynnyń 30-shy, 34-shi jáne 36-shy mınýttarynda taǵy da 3 jaýapsyz shaıbany kirgizdi.
