«Barys» Qurlyqtyq hokkeı lıgasyndaǵy alǵashqy oıynyn qashan ótkizetini anyqtaldy
NUR-SULTAN. QazAqparat - Qazaqstandyq «Barys» komandasynyń Qurlyqtyq hokkeı lıgasyndaǵy alǵashqy oıynyn qashan ótkizetini belgili boldy, dep habarlaıdy QazAqparat tilshisi.
Elordalyq klýb alǵashqy oıynyn 3 qyrkúıekte bastaıdy. Bul kúni elordalyq hokkeıshiler Belarýste «Dınamo» (Mınsk) komandasymen muzaıdynǵa shyǵady.
«Barys» elordadaǵy birinshi oıynyn 13 qyrkúıekte «Traktor» (Chelıabınsk) komandasyna qarsy ótkizedi.
Qurlyqtyq hokkeı lıgasynyń 2022/23 jyldarǵa arnalǵan tolyq oıyn kútizbesi 18 shildede jarııalanady.
Eske salsaq, budan buryn hokkeıden «Barys» komandasynyń bapkerler quramy belgili boldy.
Sondaı-aq, shaıbaly hokkeıden Prezıdent kýbogynyń oıyn kestesi jarııalandy.
Bıyl 12-shi márte jalaýyn kóteretin jarysqa qazaqstandyq «Barystan» ózge Reseıdiń «Neftehımık» (Nıjnekamsk), «Avtomobılıst» (Ekaterınbýrg), «Metallýrg» (Magnıtogorsk) jáne Qytaıdyń «Kýnlýn Red Star» komandalary qatysady.
