«Barys» qurlyqtyq hokkeı lıgasyndaǵy alǵashqy oıynyn qashan ótkizedi
ASTANA. QazAqparat - Elordalyq «Barys» komandasynyń Qurlyqtyq hokkeı lıgasyndaǵy alǵashqy oıynyn qashan ótkizetini belgili boldy, dep habarlaıdy QazAqparat tilshisi.
Qazaqstandyq komanda jańa maýsymda alǵashqy kezdesýinde elordada 2 qyrkúıekte Reseıdiń «Salavat ıÝlaev» (Ýfa) komandasymen sheberlik baıqasady.
Al odan keıin 4 qyrkúıekte Reseıdiń «Sıbır» (Novosibir) komandasymen muz aıdynǵa shyqsa, 7 qyrkúıekte Nososibirde atalǵan ujymmen taǵy bir kezdesý bolady.
Ótken maýsymda shyǵys konferentsııasynda 11-oryndy mise tutyp, pleı-off satysyna shyǵa almady.
Eske salsaq, elordalyq klýb demalystan 16 shildede shyǵady.
Eki kún boıy oıynshylar medıtsınalyq tekseristen ótedi. Al 19 shilde kúni test tapsyrý josparlanǵan.
Odan keıin 20 shilde - 8 tamyz aralyǵynda Astanada oqý-jattyǵý jıyndarynyń birinshi kezeńi bastalady.
Komanda 10-14 tamyz aralyǵynda Reseıdiń Qazan qalasynda ótetin TANECO kýbogyna qatyssa, 20-25 tamyz kúnderi Ombydaǵy týrnırde baq synaıdy.
