«Barys» quramyna shvetsııalyq hokkeıshi ıAkob Lılıa qosyldy
NUR-SULTAN. QazAqparat - Elordalyq «Barys» quramyna shvetsııalyq shabýylshy ıAkob Lılıa qosyldy, dep habarlaıdy QazAqparat tilshisi.
Bul jóninde komanda basshylyǵy resmı túrde habarlady . Kelisimshart bir jylǵa jasaldy. Ol 2021 jyldyń 30 sáýirine deıin jaramdy.
ıAkob Lılıa 1993 jyldyń 23 shildesinde Shvetsııanyń Lımhamn qalasynda dúnıege kelgen. Hokkeıdegi alǵashqy qadamyn óz eliniń «Lımhamn» klýbynda bastaǵan. Sondaı-aq, sol eldegi «ıÝrgorden» klýbynyń namysyn qorǵady.
Byltyr Ulttyq hokkeı lıgasyndaǵy «Kolambýs» klýbynda tusaýkeser maýsymyn ótkizdi.
2018/19 jylǵy kezeńde Shvetsııa quramasy sapynda Evrotýrdyń kezeńdik oıyndaryna qatysty.
Sondaı-aq, «Barys» tamyzda ótetin Prezıdent kýbogy týrnırine qatysady.
