«Barys» quramyna fın qaqpashysy qosyldy
NUR-SULTAN. QazAqparat - Elordalyq «Barys» fın qaqpashysy Ionı Ortıomen bir jyldyq kelisimshartqa qol qoıdy, dep habarlaıdy QazAqparat komanda saıtyna silteme jasap.
Ionı Ortıo 2021 jyldyń 30 sáýirine deıin «Barys» sapynda oıyn kórsetedi. Ol buǵan deıin 2018/2019 jylǵy kezeńde qurlyqtyq hokkeı lıgasynda Reseıdiń «Vıtıaz» (Máskeý oblysy) klýbynda qaqpashy boldy. Sońǵy ýaqytta Shveıtsarııanyń «Tsıýrıh Laıons» klýbynda 29 oıynǵa qatysty.
Ionı Ortıo 1991 jyldyń 19 sáýirinde Fınlıandııanyń Týrký qalasynda dúnıege kelgen. Ol Fınlıandııa quramasyna turaqty túrde shaqyrtý alyp turady. Sondaı-aq, Ulttyq hokkeı lıgasynda «Kalgarı Fleıms» klýbynda 2014-2016 jyldarda oıyn kórsetip qaıtty.
Budan buryn «Barys» quramyna kanadalyq hokkeıshi qosylǵan edi. Sondaı-aq, qaqpashy Henrık Karlson «Barys» komandasynda taǵy bir jylǵa qalatyn boldy.
Shved hokkeıshisi Lınýs Vıdell «Baryspen» kelisimshartyn bir jylǵa uzartty.
Foto: bote.ch