«Barys» QR Prezıdenti kýbogynyń ıegeri atandy
NUR-SULTAN. QazAqparat - Elordalyq «Barys» shaıbaly hokkeıden QR Prezıdenti kýbogynyń ıegeri atandy, dep habarlaıdy QazAqparat tilshisi.
«Barys» fınalda Qaraǵandynyń «Saryarqa» komandasymen kezdesti.
Alǵashqy on mınýtta elordalyq klýb qarsylastar qaqpasyna úsh shaıba soǵyp úlgerdi. Ony Kertıs Volk 4, Egor Shalapov 6, Mettıý Frettın 9-mınýtta óziniń enshisine jazdy.
Odan keıin «Saryarqa» sapynan Stepan Grymzın 10, 23, Sergeı Golodnıýk 18-mınýttarda mergendik tanytyp, tarazy basyn teńestirdi.
Al «Barys» hokkeıshileri ıAkob Lılıa 33, Darren Dıts 39, Egor Petýhov 49, Roman Starchenko 59-mınýttarda qaqpany dál kózdedi.
Osylaısha elordalyq klýb qarsylasyn 7:3 esebimen jeńip, kýbokqa ıe boldy.
Ekinshi oryn «Saryarqaǵa» buıyrsa, úzdik úshtikti Qytaıdyń «Kýnlýn Red Star» komandasy túıindedi. Al óskemendik «Torpedo» tórtinshi oryndy mise tutty.
