«Barys» «QR Prezıdenti Kýbogy» týrnırin jeńispen bastady
ASTANA. QazAqparat - Búgin Qazaqstan Respýblıkasy Prezıdentiniń Kýbogy úshin shaıbaly hokkeıden V halyqaralyq týrnırde synǵa túsip jatqan elordalyq «Barys» alǵashqy kezdesýin sátti ótkizip, nıjnekamskilik «Neftehımıkti» 3:2 esebimen utyp ketti.
Aıta keteıik, búgin Astanadaǵy «Qazaqstan» sport saraıynda aıtýly dodanyń saltanatty túrde ashylýy bolyp ótken.
Týrnırdiń alǵashqy kezdesýi Reseıden kelgen qos myqty - ombylyq «Avangard» pen novokýznetskilik «Metallýrg» komandalary arasynda ótip, nátıjesinde «kenshiler» tas-talqan bolyp jeńilgen edi - 5:2.
Erteń búgingi qos jeńipmaz «Barys» pen «Avangard» baq synasady. Sáıkesinshe, «Metallýrg» pen «Neftehımık» tájikelesedi.
