«Barys» qorǵaýshysy Aleks Grant búgingi pokeri jóninde pikir bildirdi
«Qurlyqtyq hokkeı lıgasy bastalǵannan bergi 15 jyl ishinde qanshama hokkeıshi oıyn kórsetti. Solardyń arasynan bir kezdesýde tórt gol soqqan qorǵaýshy bolǵanym – men úshin mártebe. Qashanda birinshi bolý jaǵymdylyq syılaıdy. Oǵan balalarym da qýanyp jatyr. Men mundaı kórsetkishpen oıynda jeńiske jetkenime qýanyshtymyn», - dep oı bólisti kanadalyq qorǵaýshy QHL baspasóz qyzmetine bergen suhbatynda.
Buǵan deıin habarlaǵanymyzdaı, «Barys» oıynshysy, 33 jastaǵy kanadalyq Aleks Grant Qurlyqtyq hokkeı lıgasy (QHL) tarıhynda 4 gol soqqan alǵashqy qorǵaýshy atandy. Atalǵan kezdesýde «Barys» qarsylasynan 5:1 esebimen basym tústi.
Aıta ketsek, Aleks Grant 2004-2022 jyldar aralyǵynda Ulttyq hokkeı lıgasynda Kanada jáne AQSh komandalarynda oınady. Ótken jyly Reseıdiń SKA jáne qazaqstandyq «Barys» komandalarynyń namysyn qorǵady. Sodan beri 31 kezdesýde oıyn kórsetti.
Foto: «Barys» HK