«Barys» komandasynyń bapkerler quramy tolyq jasaqtaldy
NUR-SULTAN. QazAqparat - Elordalyq «Barys» komandasynyń bapkerler quramy tolyq jasaqtaldy, dep habarlaıdy QazAqparat tilshisi komanda saıtyna silteme jasap.
Esterińizge sala ketelik, bıyl bas bapker qyzmetine qazaqstandyq maman ıÝrıı Mıhaılıs kelgen bolatyn. Oǵan Georgıı Vereşagın, Aleksandr Shımın, Andreı Shaıanov jáne Aleksandr Ahtsıger kómekshilik jasaıtyn boldy. Al bapkerler quramynda Sergeı Tambýlov vıdeo-sarapshy qyzmetin atqarady.
Georgıı Vereşagın - Qaraǵandy hokkeıiniń túlegi. Budan buryn ol ıÝ.Mıhaılıske «Nomad» komandasynda, elimizdiń stýdentter jáne jastar quramalarynda kómekshilik jasady.
Óskemen hokkeıiniń túlegi Andreı Shaıanov budan buryn da «Barys» komandasynda bas jáne aǵa bapker qyzmetterin atqarǵan. Byltyr «Barys» júıesindegi «Snejnye Barsy» klýbynda bapkerler quramynda boldy.
Al Aleksandr Ahtsıger men Sergeı Tambýlov qurlyqtyq hokkeı lıgasy qurylǵannan beri elordalyq klýb sapynda eńbek etedi. Al Aleksandr Shımın «Barysqa» eki jyl buryn qyzmetke keldi.
Aıta keteıik, taıaýda QHL turaqty chempıonatyn ótkizýdiń birneshe nusqasy daıyndalǵan bolatyn.
