«Barys» komandasy Novokýznetskiniń «Metallýrg» komandasynan utylyp qaldy

Aıta keteıik, qos komanda da oıyndy tartysty ári qarqyndy bastady. Oıynnnyń 17-nshi mınótinde qarsylas komandanyń oıynshysy Dmıtrıı Orlov esep ashty. Al tartysty dodanyń ekinshi kezeńinde qos komandanyń hokkeıshileri qansha tyrysqanymen de qaqpaǵa shaıba sala almady. Atap aıtqanda, «Metallýrg» komandasy qorǵanys shebin ustanyp, astanalyq komandanyń shabýyldaryna toıtarys berýmen boldy. Tek úshinshi kezeńniń 51-inshi mınótinde «Barys» komandasynyń qos oıynshysy Vadım Krasnoslobodtsev pen Talǵat Jaılaýov qarsylastarynyń qaqpasynyń osal jerin taýyp, esepti teńestirdi. Negizgi oıynda esepti eseleı almaǵandyqtan komandalar qosymsha taımda kúsh synasty. Bul tartysta «Metallýrg» komandasy basym tústi. Sonymen 1:2 esebimen «Barys» utylyp qaldy.

Esterińizge sala keteıik, buǵan deıin astanalyq «Barys» hokkeı komandasy Qurlyqtyq hokkeı lıgasynyń aıasynda qazannyń 20-ynda ótken oıynda «Sibir» komandasyn 3:1 esebimen jeńgen bolatyn.